வெயில்,இரவு,நிலவு.............

பகலெல்லாம் விளையாட வெயில் வேண்டும்

பட்ட மணல் சூட்டை போக்க ஓர் இரவு வேண்டும்

வேர்வை சிந்த உழைக்க வெயில் வேண்டும்

களைப்புகள் இளைப்பாற ஓர் இரவு வேண்டும்

பாடுபடும் நேரமெல்லாம் வெயில் வேண்டும்

பட்ட கஷ்டம் சொல்லி அழ இரவு வேண்டும்

உன் கைபிடித்து நடந்து செல்ல வெயில் வேண்டும் 

சென்ற கதை பேசிமுடிக்க  இரவு வேண்டும் 

உன்னை பார்த்த நாளை 

எண்ணி  பார்க்க இரவு வேண்டும் 

என் தனிமைக்கு துணையாக நிலவு  வேண்டும் 

கனவுக்குள்  வாழ்ந்திட  ஓர் இரவு வேண்டும் 

நான் பார்த்து உறங்க 

உன் முகம் கொண்ட நிலவு வேண்டும்

இரவும் நிலவும் தாலாட்டி முடித்தாலும்

தட்டி எழுப்ப காலையில் வெயில் வேண்டும் !!!